Rawestgeha Nihêrîna Li ‘Ezmên

Şiir(Helbest): Turgut Uyar

Çeviri(Werger): Kamuran Demir

Em herdu ji nişka ve dibe ku şa bin em li ‘ezmên binihêrin

Ji van roniyên revok, ji van şewenderan

Ji diranên bebikan ji tavan ji giyayên biyan

Van çavên min ên bêrawest ez xerc dikim hilde xilas bike

Van destên min ên di geran de ne ên newêrek bigire

Ji van malan derbas bibe ji van malan jî ji van jî

Em li ‘ezmên binihêrin

Em ê niha werin filan rawestgehê em li ‘ezmên binihêrin

Em ê bibêjin yekî peya be heye otobês wê bisekine em ê peya bin

Ev tarî wiha baş e eferim ji Yezdan re

Her kes bila rabikeve xweş dibe kêfa min tê pê re

Diz û polîs tî û birçî bila rabikeve

Her kes bila rabikeve tenê te ranazînim yek jî ez ranazim

Her kes tune be em ê bibin em em ranekevin

Jixwe em serxweş in jixwe em hev radimûsin li kolanan

Min berde em li ‘ezmên binihêrin

Di van destên te de çi heye ez nizanim em li ‘ezmên binihêrin

Her ku digirim xurt dibim qerebalix dibim

Ev çavên te yên zemanên berê ye mîna tenêyan mîna daran

Ji bo avên min germ bibin ez lê dinihêrim germ dibin

Min te hilda anî vî cihê erjeng

Bêhesab paceyên te hebûn min lib lib ew girtin

Ji bo tu li min vegerî min lib lib girtin

Cihekî em jê venegerin bi’ecibîne wekî din zor e

Yek destên te yek destên min bes em hîn bin bila bes be

Min te hilda ji bo xwe veqetand nesekine xwe bîne bîr

Nesekine xwe bîne bîr

Nesekine em li ‘ezmên binihêrin